250 studentë nga Universiteti i Shkodrës dhe rektori Adem Bekteshi pritën Ambasadoren e BE Romana Vlahutin dhe Ambasadorët e Shteteve Anëtare nga Kroacia, Franca, Greqia, Italia, Rumania, Spanja dhe Suedia. Diskutimet ishin të gjalla dhe të ndryshme, duke  përfshirë tema si reformat në integrimin në BE, arsimin, reformën në drejtësi si dhe rolin e të rinjve në procesin e integrimit evropian në mënyrë që të sjellë standardet e BE në Shqipëri. “Procesi nuk mund të ndodhë pa përfshirjen tuaj. Asnjëherë nuk duhet të lodhesh duke kërkuar që standardet e BE-së të sillen dhe zbatohen në Shqipëri. Kërko, pyet, prit dhe mos u dorëzo, “tha Ambasadorja Vlahutin.